19:44 / 27.01.2020
0
13856
Toliblar Afg‘onistonda samolyot urib tushirilishi uchun javobgarlikni o‘z zimmasiga oldi

«Tolibon» harakati Afg‘onistonda samolyot urib tushirilishi uchun javobgarlikni o‘z zimmasiga oldi. Ular AQSh harbiy samolyotini urib tushirganliklarini ta'kidlamoqda, deb xabar berdi Ariana News telekanali.

Avvalroq G‘azna viloyatida samolyot halokatga uchragani xabar qilingandi. G‘azna gubernatori vakili Orif Nuriyning ma'lum qilishicha, samolyot toliblar nazorati ostidagi Deh-Yak tumani hududida ro‘y bergan.

Dastlabki ma'lumotlarga ko‘ra, samolyot Afg‘onistonning Ariana Afghan Airlines aviakompaniyasiga tegishli bo‘lgan, ammo aviakompaniya vakillari bu ma'lumotni inkor etgan.

Tolo News telekanalining xabar berishicha, samolyot parchalarida AQSh harbiy-havo kuchlarining tanituvchi belgilari bo‘lgan. 

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top