20:36 / 31.01.2020
0
6404
Rossiya Xitoy bilan aviaaloqani cheklamoqda

Rossiya koronavirus epidemiyasi sababli 1 fevraldan Xitoy bilan aviaaloqani cheklaydi. 

Bu haqda Rossiya bosh vaziri o‘rinbosari Tatyana Golikova virusning tarqalishiga qarshi kurashish tezkor shtabi yig‘ilishi natijalariga ko‘ra ma'lum qildi.

Golikovaning aytishicha, “Aeroflot”ning Pekin, Shanxay, Guanchjou va Hongkongga va Xitoyning 4 ta aviakompaniyasining “Sheremetevo” aeroportiga muntazam reyslaridan tashqari, Rossiya va Xitoy o‘rtasidagi barcha havo yo‘nalishlari yopiladi.

Ta'kidlanishicha, Xitoydan barcha samolyotlar Sheremetevoning F terminaliga qo‘nadi. Zarurat bo‘lsa bu reyslar yo‘lovchilari tibbiyot muassasalariga jo‘natiladi.

“Aeroflot”dan tashqari Rossiyadan Xitoyga S7 va “Uralskiye avialinii”, Xitoydan “Sheremetevo”ga esa Air China, China Southern, China Eastern, Beijing Capital, Hainan Airlines aviakompaniyalari muntazam reyslar amalga oshiradi.

Avvalroq Rossiyada koronavirus yuqtirib olgan ilk ikki bemor aniqlangani, ular Baykalorti o‘lkasi va Tyumen oblastidagi xitoylik fuqarolar ekani ma'lum qilingandi. 

Mavzu
Xitoy koronavirusi
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top