07:49 / 03.02.2020
3
44252
Xitoyda virus qurbonlari soni 361 nafarga yetdi 

Xitoyda yangi koronavirusdan vafot etganlar va kasallanganlar soni tobora oshmoqda. Oxirgi ma'lumotlarga ko‘ra, virusdan bir kun ichida 57 kishi vafot etdi. 

Foto: EPA-EFE/STRINGER

Shu tariqa, epidemiya boshlangandan beri uning qurbonlari soni 361 nafarga yetdi, kasallanganlar esa yana 2829 kishiga ko‘payib, 17205 nafarni tashkil qilmoqda. 

56 ta o‘lim virus tarqalish o‘chog‘i hisoblangan Xubey viloyatida, yana bittasi Chunsin shahrida qayd etilgan.

Mamlakatda 152,7 ming kishi virus yuqtirganlikka gumon ostida qolmoqda. 475 kishi muvaffaqiyatli davolash kursidan so‘ng shifo topgan.

Bir kun avval virus qurbonlari soni 304 nafarni, kasallanganlar esa 14,4 ming kishini tashkil etayotgani ma'lum qilingandi.

South China Morning Post nashrining xabar berishicha, Xitoydan tashqarida dunyo bo‘ylab 182 kishi virusga chalingan.

Mavzu
Xitoy koronavirusi
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top