15:29 / 04.02.2020
1
20662
Lukashenko Moskva gaz narxi borasida Belarusni aldaganini aytdi

Rossiya «Beltransgaz»ni sotib olayotganida Belarusni Rossiyadagi ichki narxlarga «olib kelishni» va'da qilgandi, dedi mamlakat prezidenti Aleksandr Lukashenko.  

Foto: Mixail Metsel / TASS

"Beltransgaz"ni sotib olayotganda bizni besh yil ichida Rossiyadagi ichki narxlarga «olib kelishni» va'da qilgandingiz, shunday ekan, olib keling. Nega bizni aldayapsiz? Bundan tashqari, bizni buni unutib yuborgan deb o‘ylayapsiz", - dedi Belarus prezidenti.

Lukashenko Minsk "shunchaki halol, sof, shaffof munosabatlarni xohlashini" aytdi.

"Xohlamasangiz, bu haqda ayting. "Oh, Pompeo keldi" deb qichqirmang. Ertaga Tramp keladi. Unda nima qilishadi?" – dedi u. 

Lukashenko Belarus suveren va mustaqil davlat sifatida tashqi siyosatni qanday olib borishni o‘zi belgilashini ta'kidladi. 

"Yoki bu bilan Rossiyaga zarar yetkazdikmi? Yo‘q", - deb qo‘shib qo‘ydi u.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top