22:50 / 06.02.2020
0
11620
Qozog‘iston o‘z fuqarolarining Xitoydan evakuatsiyasi uchun O‘zbekistonga minnatdorlik bildirdi 

Qozog‘iston sog‘liqni saqlash vaziri Yeljan Birtanov o‘zbekistonlik hamkasbi Alisher Shodmonov bilan telefon suhbatida unga Xitoydan qozog‘istonliklarning evakuatsiya qilinishidagi yordam uchun minnatdorlik bildirdi.

Bu haqda Qozog‘iston sog‘liqni saqlash vazirligi matbuot xizmati ma'lum qildi.

Joriy haftada Qozog‘iston tomoni iltimosi bilan Rossiya va O‘zbekistonning maxsus samolyotlarida Xitoyning Uxan shahridan Qozog‘istonning 8 fuqarosi evakuatsiya qilingandi. Ulardan 5 nafari Toshkentda, qolgan 3 nafari Tyumenda 2 hafta davomida shifokorlar nazoratida bo‘ladi. 

Ta'kidlanishicha, tomonlar Qozog‘iston sog‘liqni saqlash vazirligining tezkor markazi orqali doimiy aloqada bo‘lishga va axborot almashinuvni qo‘llab-quvvatlashga kelishib olishgan. 

Jumladan, ikki davlat sog‘liqni saqlash vazirliklari Toshkentda ikki hafta karantinda bo‘ladigan 5 qozog‘istonlikning holati monitoringini o‘tkazib turishadi. 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top