15:16 / 08.02.2020
0
11774
Trampga qarshi ko‘rsatma bergan bir necha kishi ishdan bo‘shatildi

5 fevral kuni senatorlar impichment doirasidagi tinglovlarda AQSh prezidentini ayblovlarning barcha moddalari bo‘yicha aybsiz deb topdi.

Foto: REUTERS

AQSh prezidenti Donald Tramp impichment jarayoni doirasida ma'muriyatning o‘ziga qarshi guvoh sifatida ishtirok etgan bir necha vakilini ishdan bo‘shatdi. Bu haqda Associated Press agentligi xabar berdi.

Agentlikning bildirishicha, milliy xavfsizlik kengashi xodimi Aleksander Vindmanga o‘z lavozimini tark etish taklif qilingan. Shuningdek, Oq uy advokatlik xizmatida ishlaydigan uning ukasi Yujin ishdan bo‘shatilgan. 

Bundan tashqari, AQShning YeIdagi doimiy vakili Gordon Sandlend ham ishdan olingan.

5 fevral kuni senatorlar impichment doirasidagi tinglovlarda AQSh prezidentini ayblovlarning barcha moddalari bo‘yicha aybsiz deb topdi.

Tramp hokimiyatni suiiste'mol qilish va kongress surishtiruvlariga qarshilik ko‘rsatishda ayblangandi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top