Respublika iqtisodiyoti va aholisi ehtiyojlari uchun avtomobil transporti xizmatlari ko‘rsatishni yanada rivojlantirish ko‘zda tutilmoqda
2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Ilm-ma'rifat va raqamli iqtisodiyotni rivojlantirish yili”da amalga oshirishga oid davlat dasturi loyihasi e'lon qilindi.
Yil davomida tegishli amaliy chora-tadbirlar ishlab chiqiladi. Bunda aholiga avtotransport xizmati ko‘rsatish tizimini yaxshilash doirasida respublika bo‘yicha:
10 ta xalqaro va 114 ta mahalliy yangi avtobus yo‘nalishlarini ochish;
26 ta avtostansiya qurish va rekonstruksiya qilish;
296 ta oraliq bekatlarni qurish;
600 ta yangi avtobuslar sotib olish nazarda tutiladi.
Ijro uchun mas'ullar - Transport vazirligi, tijorat banklari, “O‘zavtosanoat” AJ, “O‘zavtosanoatlizing” MChJ, Qoraqalpog‘iston Respublikasi Vazirlar Kengashi va viloyatlar hokimliklari.