00:11 / 13.02.2020
0
10394
Kvartira ichida 50 km: Xitoylik marafonchilar koronavirus sababli uyda mashq qilmoqdalar 

Xitoyning ko‘plab shaharlarida koronavirus sababli harakatlanishga kiritilgan cheklovlar mahalliy marafonchilarni o‘zini yaxshi formada saqlash uchun uydagi sharoitdan foydalanishga majbur qilmoqda. Ular shu bilan birga yugurish trenajyorlaridan foydalanishmayapti.

Bu haqda Daily Mail nashri xabar berdi.  

Misol uchun, Xunan provinsiyasining Chansha shahrida yashovchi 66 yoshli marafonchi Li Chjanchje har kuni o‘z uyida 10 kmlik masofani yugurib o‘tmoqda. U qo‘shnilarini bezovta qilmaslik uchun iloji boricha ohista yugurishga harakat qilmoqda. 

Chjanchje 2008 yilgi Pekin Olimpiadasida Olimpiya mash'alasini olib boruvchilardan biri bo‘lgan va Tokio, Boston, London, Berlin, Chikago va Nyu-York marafonlarida ishtirok etgan.

Jumladan, Xanchjouda yashovchi taniqli havaskor marafonchi Pan Chansu o‘ziga xos rekord ham o‘rnatdi: u karantin tufayli ko‘chada mashq qila olmagani sababli kvartirasida 50 km masofani yugurib o‘tgan.

“Men bir necha kun ko‘chaga chiqmadim va buyog‘iga qo‘lni qovushtirib o‘tirolmayman”, deb yozgan Pan Weibo ijtimoiy tarmog‘idagi sahifasida. Sportchining ta'kidlashicha, u mehmonxonadagi ikkita stolni birlashtirib, 8 metrlik “maydoncha” hosil qilgan va uning atrofida 6250 marta yugurib chiqqan. Buning uchun unga 4 soat 48 soniya talab etilgan. Pan buning isboti tariqasida video va suratlar bilan bo‘lishgan.  

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top