20:18 / 14.02.2020
0
10495
Xitoyda koronavirusdan sog‘ayib ketganlardan qon topshirish so‘ralmoqda

Xitoyning Shanhay shahrida koronavirusdan sog‘ayib ketgan odamlardan qon topshirish iltimos qilinmoqda. Gap shundaki, ularning qoni qolgan bemorlarni davolashda yordam berishi mumkin.

Foto : REUTERS / China Daily

Bu haqda «Sinxua» axborot agentligi xabar berdi

Avvalroq xitoylik shifokorlar sog‘ayib ketganlar qonini unda koronavirusga qarshi antitanalar topilgani sababli kasallarga quyish yaxshi samara berayotganini ma'lum qilishgandi. 

Shu sababli kasallikdan forig‘ bo‘lganlar qonlarini topshirishga chaqirilmoqda.

“Men shifoxonani tark etishimdan oldin hamshira davolash va kasallikni o‘rganish maqsadida qon topshirishim haqida so‘radi. Shunda menga yordam berganlari kabi menda ham boshqalarga yordam berishga ajoyib imkoniyat borligi haqida o‘yladim. Sog‘ayib ketganimdan keyin qonimda og‘ir bemorlarga virus bilan kurashda yordam beradigan antitanalar hosil bo‘lgan”, deb aytgan donorlardan biri.

Mahalliy sog‘liqni saqlash vazirligida ma'lum qilinishicha, Shanhayda ayni vaqtda virusga chalingan 90 kishi sog‘ayib ketgan. Ta'kidlanishicha, 90 foiz kasallanish holatlarida bemorlarni davolashda Xitoy tabobati usullari qo‘llanmoqda.

Mavzu
Xitoy koronavirusi
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top