09:57 / 15.02.2020
1
9917
Surxondaryoda sakkiz yoshli o‘g‘lini 2 mln so‘mga sotmoqchi bo‘lgan ayol ushlandi

Termiz shahrida yashovchi ayol voyaga yetmagan o‘g‘lini Angor tumanidagi oshxonalarning birida 2 000 000 so‘mga sotayotgan vaqtida ashyoviy dalillar bilan qo‘lga olingan

Illyustrativ foto

Surxondaryo viloyati Angor tumanida 2020 yilning 5 fevral kuni Iqtisodiy jinoyatlarga qarshi kurashish Departament viloyat boshqarmasi Angor tuman bo‘limi, Angor tuman Ichki ishlar bo‘limi, Angor tuman Davlat xavfsizlik xizmati va Angor tuman prokuraturasi xodimlari hamkorligida tezkor tadbir o‘tkazildi. 

Surxondaryo viloyati IIB axborot xizmatiga ko‘ra, mazkur o‘tkazilgan tezkor tadbir davomida, Termiz shahrida yashovchi U.M. ismli ayol voyaga yetmagan o‘g‘li, 2012 yilda tug‘ilgan M.M.ni fuqaro O.B. ismli ayolga Angor tumanidagi oshxonalarning birida 2 000 000 so‘mga sotayotgan vaqtida ashyoviy dalillar bilan qo‘lga olingan. 

13 fevral kuni holat yuzasidan U.M.ga nisbatan O‘zbekiston Respublikasi Jinoyat kodeksining 135-moddasi 3-qismi “a” bandi (odam savdosi) bilan jinoyat ishi qo‘zg‘atilgan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top