09:35 / 25.02.2020
0
1406
Menejment tizimlari muvofiqlik sertifikatining amal qilish muddati qisqartirildi

Menejment tizimlarini sertifikatlashtirish tartibi to‘g‘risidagi nizomga tuzatishlar kiritildi. Ular uch oy o‘tgach kuchga kiradi

Norma’ning yozishicha, tuzatishlarning mohiyati quyidagicha:
 
birinchidan, aniqlashtirilishicha, sertifikatlashtirishga ariza elektron shaklda berilgan taqdirda menejment tizimlarini sertifikatlashtirish organi (MTSO) u olingani to‘g‘risida ariza beruvchini shu kunning o‘zida xabardor qiladi;
 
ikkinchidan, sertifikatlashtirish uchun arizaga sifat bo‘yicha qo‘llanma faqat mavjud bo‘lganda ilova qilinadi;
 
uchinchidan, quyidagilarning muddatlari qisqartirildi:

muvofiqlik sertifikatining amal qilish muddati - Davlat reyestrida ro‘yxatdan o‘tkazilgan kundan boshlab 5 yildan 3 yilgacha;

hujjatlar to‘plamlarini MTSOda saqlash (sertifikatlashtirishga arizalar, hisobotlar, menejment tizimlari auditi rejalari, MTSO rahbarlarining qarorlari va muvofiqlik sertifikatlarining nusxalari) - 6 yildan 4 yilgacha.
 
to‘rtinchidan, muvofiqlik sertifikatining amal qilishi muvofiqlik sertifikatini bergan MTSO va “O‘zstandart” agentligi tomonidan to‘xtatib turilishi mumkin bo‘lgan eng ko‘p muddat 6 oyni (hozir – 10 kun) tashkil etadi. Quyidagilar ham bunga asos bo‘lishi mumkin:

tashkilot inspeksiya nazoratini amalga oshirishdan bosh tortganda yoki uni talab etiladigan muddatda o‘tkazishga ruxsat bermaganda;

tashkilot ixtiyoriy ravishda sertifikatning amal qilishini to‘xtatib turish haqida ariza bilan murojaat qilganda.
 
Muvofiqlik sertifikati rasmiylashtiriladigan blanka shakli ham yangilandi.
 
Hujjat 20.05.2020 yildan kuchga kiradi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top