08:31 / 27.02.2020
0
15429
Buxoroda yirik yong‘in sodir bo‘ldi

Buxoro shahar Bahouddin Naqshband ko‘chasidagi bir qator savdo majmualarida yong‘in kelib chiqdi

Foto: Videodan kadr

Favqulodda vaziyatlar vazirligi Buxoro shahrida sodir bo‘lgan yong‘in bo‘yicha birlamchi ma'lumot taqdim etdi.

Joriy yilning 26 fevral kuni soat 22:37da Buxoro viloyat favqulodda vaziyatlar boshqarmasi navbatchilik qismiga Buxoro shahar Bahouddin Naqshband ko‘chasidagi bir qator savdo majmualarida yong‘in sodir bo‘layotganligi to‘g‘risida xabar kelib tushgan.

Voqea yuzasidan viloyat Favqulodda vaziyatlar boshqarmasining jami 9 ta qutqaruv avtomobillari hodisa joyiga yetib borgan. 

Qayd etilishicha, yong‘in-qutqaruv guruhlari tomonidan yong‘inni o‘chirish ishlari olib borilgan.

Hodisa oqibatida kuyish tan jarohati va halok bo‘lish holatlari aniqlanmagan, deyiladi ma'lumotda.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top