09:47 / 27.02.2020
0
20555
Seuldan kelgan yo‘lovchilar Toshkent aeroportida vaqtincha sanitariya izolyatsiyasiga joylashtirildi

Seuldan kelgan reys yo‘lovchilari Toshkent aeroporti xalqaro terminalining alohida zalida vaqtincha sanitariya izolyatsiyasiga joylashtirildi

Foto: Uzbekistan Airways

Koronovirusning O‘zbekistonda tarqalishining oldini olish maqsadida bugun Seuldan kelgan HY514 reysi yo‘lovchilari Toshkent aeroporti xalqaro terminalining alohida zalida vaqtincha sanitariya izolyatsiyasiga joylashtirildi. 

Uzbekistan Airways xabariga ko‘ra, O‘zbekiston Respublikasi Sog‘liqni saqlash vazirligi tomonidan bir qator zarur profilaktik tadbirlar o‘tkazilgandan so‘ng va SARS belgilari yo‘qligi tasdiqlangandan so‘ng, yo‘lovchilar karantin xonasidan chiqib ketishlariga ruxsat beriladi.

Avvalroq, Seul - Toshkent reysida parvoz qilgan «Drimlayner» oradan 2 soat o‘tib Inhon xalqaro aeroportiga qaytgani haqida xabarlar tarqalgandi.

Bundan oldin, Saudiya Arabistoni ziyoratchilarning mamlakatga kirishini vaqtinchalik taqiqlagani xabar qilingandi.

Shuningdek, podshohlik Tashqi ishlar vazirligi «yangi koronavirusning tarqalishi xavfi» bo‘lgan mamlakatlar fuqarolarining sayyohlik vizalari bo‘yicha kirishi to‘xtatilayotgani haqida ma'lum qildi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top