12:04 / 28.02.2020
0
3607
WhatsApp dunyodagi eng ommaviy mobil dastur maqomini TikTok’ga boy berdi

WhatsApp dunyodagi eng ommaviy mobil dastur maqomini yo‘qotib, yetakchilikni TikTok ijtimoiy tarmog‘iga boy berdi.

Foto: softonic.com

Bu haqda GizChina nashri xabar berdi. 

SensorTower tahliliy kompaniyasi o‘tkazgan tadqiqotda ta'kidlanishicha, yanvarda TikTok va uning xitoycha varianti Douyin umumiy hisobda 104 mln marta yuklanib olingan. Dasturning yuklanishi soni 2019 yilning yanvar oyiga nisbatan 46 foizga, dekabriga nisbatan esa 27 foizga o‘sgan.

Umuman olganda, bu dasturlar chiqarilgandan beri 1,82 mlrd marta yuklanib olingan.

TikTok Hindiston, Xitoy, Braziliya va AQShda eng katta talabga ega bo‘lib turibdi.

Ikki dasturdan olingan tushum 2019 yil dekabrda 39,4 mln dollarni tashkil qilgan bo‘lsa, joriy yil yanvarida 28,6 mln dollargacha kamaygan.  

Dastur Xitoyning ByteDance kompaniyasi tomonidan ishlab chiqilgan bo‘lib, qisqa videolar yaratish uchun mo‘ljallangan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top