21:03 / 29.02.2020
0
8169
Anqara va Moskva Idlibda taranglikni pasaytirish borasida kelishib oldi
Foto : Central Asia Post

Turkiya poytaxti Anqarada Suriya bo‘yicha Rossiya va Turkiya maslahatlashuvining navbatdagi bosqichi o‘tkazildi. Rossiya TIV rasmiy bayonotida har ikki tomon taranglikni pasaytirish va terrorchilar bilan kurashish maqsad qilib olinganini tasdiqlagani aytilmoqda.

26-28 fevral kunlari bo‘lib o‘tgan muzokaralarda RF prezidentining Suriya masalasi bo‘yicha maxsus vakili A.Lavrentev, RF TIV rahbarining o‘rinbosari S.Vershenin va Turkiya TIV rahbari o‘rinbosari S.O‘nal qatnashgan.

Rossiya TIV o‘z bayonotida muzokaralar chog‘ida Idlib eskalatsiyadan xalos bo‘lish zonasidagi vaziyatni barqarorlashtirishga erishish yo‘lida 2017 yil 4 maydagi hamda 2018 yil 17 sentyabrdagi memorandumlarning to‘liq bajarilishini ta'minlash asosida konkret qadamlar muhokama qilinganini ta'kidlagan.

«Har ikki taraf BMT Xavfsizlik Kengashi tomonidan terrorchi deb tan olinganlarga qarshi kurashda «yer ustida» taranglikni pasaytirish, shuningdek, eskalatsiyadan xalos bo‘lish zonasi ichidagi va tashqarisidagi fuqarolardan iborat aholini himoya qilish va barcha ehtiyojmandlarga shoshilinch insonparvarlik yordami ko‘rsatishga bo‘lgan maqsadlarni tasdiqladi», deb ta'kidlanadi Rossiya TIV bayonotida. 

Mavzu
Turkiyaning Suriyaga kirishi

Turkiya qurolli kuchlari Suriyaning Afrin mintaqasidagi qurollangan kurd bo‘linmalariga qarshi quruqlikdagi harbiy operatsiyani amalda boshladi.

Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top