21:29 / 29.02.2020
0
4462
«Tolibon» AQSh bilan tinchlik kelishuviga rioya qilishini bildirdi

Qatar poytaxti Dohada AQSh va «Tolibon» harakati o‘rtasida tinchlik kelishuvi imzolandi.

Foto: AFP

«Tolibon» harakati Qatarda imzolangan AQSh bilan tinchlik kelishuviga rioya qiladi. Bu haqda harakatning Qatardagi bosh siyosiy vakolatxonasi rahbari mulla Abdul G‘ani Barodar ma'lum qildi.

«AQSh va «Tolibon» harakati Qatarda muvaffaqiyatli muzokaralar o‘tkazdi. Barchani bu bilan qutlayman. Biz mazkur shartnoma bajarilishiga rioya qilamiz, shuningdek, siyosiy kuch sifatida uning qo‘shni davlatlar tomonidan ham bajarilishini istaymiz», - dedi mulla Barodar.

29 fevral kuni Qatar poytaxti Dohada AQSh va “Tolibon” harakati o‘rtasida tinchlik kelishuvi imzolandi.  

Kelishuvni AQShning Afg‘oniston bo‘yicha maxsus vakili Zalmay Xalilzod hamda “Tolibon” yetakchisining o‘rinbosari, harakatning Qatardagi ofisi rahbari mulla Abdul G‘ani Barodar imzoladi.

Imzolash marosimida O‘zbekiston tashqi ishlar vaziri Abdulaziz Komilov boshchiligidagi delegatsiya ham ishtirok etdi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top