15:21 / 03.03.2020
0
18028
Turkiya qiruvchi samolyoti Suriya samolyotini urib tushirdi

Turkiya havo hujumidan mudofaa tizimi yakshanba kuni muxolifat nazoratida bo‘lgan Idlib osmonida uchayotgan suriyaliklarning ikkita qiruvchi samolyotini urib tushirgandi.

Foto: Murad Sezer / Reuters

Turkiya harbiy-havo kuchlariga qarashli F-16 qiruvchi samolyoti Idlib provinsiyasida Suriya prezidenti Bashar Asad armiyasi samolyotini urib tushirdi. Bu haqda Orient telekanali o‘zining Twitter-akkauntida ma'lum qildi.

SANA agentligining ma'lumot berishicha, hukumat kuchlariga qarashli samolyoti Idlibdagi terrorchilarga qarshi amaliyotda ishtirok etayotgan vaqtda Turkiya qiruvchi samolyoti tomonidan urib tushirilgan. 

Turkiya mudofaa vazirligi ushbu ma'lumotni tasdiqladi. Vazirlikning Twitter-akkauntida qayd etilishicha, Suriya armiyasining L-39 samolyoti urib tushirilgan. 

Turkiya havo hujumidan mudofaa tizimi yakshanba kuni muxolifat nazoratida bo‘lgan Idlib osmonida uchayotgan suriyaliklarning ikkita qiruvchi samolyotini urib tushirgandi.

Mavzu
Idlib mojarosi
2019 yil dekabrida Suriya armiyasi Idlibni to‘liq egallash uchun yurish boshladi. Turkiya esa Suriya shimolidagi ittifoqchilarini himoya qilish uchun bu hududdagi kuzatuv postlariga minglab harbiylarini jo‘natdi va ikki tomon o‘rtasida to‘qnashuvlar ro‘y bera boshladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top