16:19 / 04.03.2020
0
12241
Misrda eng xavfli terrorchilardan biri qatl etildi

Hishom Ashmaviyning qatl qilingani haqida 24 fevralda xabar berilgan, ammo uning advokatlari bu xabarni rad etgandi.

Foto: AP Photo / Egyptian State Television

Misrning eng xavfli terrorchilari ro‘yxatida bo‘lgan Hishom Ashmaviy mamlakat qamoqxonalaridan birida qatl etildi. Bu haqda polkovnik Tamer Rifoiy o‘zining Facebook sahifasida ma'lum qildi.

"Terrorchi Hishom Ashmaviyga nisbatan chiqarilgan o‘lim jazosi chorshanba kuni ertalab ijro etildi", - deyiladi unda.

Ashmaviy va yana 200 nafar ayblanuvchi keyinchalik IShIDga qo‘shilgan "Ansor Bayt al-Maqdis" ekstremistik tarmog‘i ishi bo‘yicha javobgarlikka tortilgandi. 

Ular Qohira va Janubiy Sinayda sodir etilgan 54ta jinoyat va teraktlarda, jumladan, politsiya xodimlari va mamlakat bosh prokurorini o‘ldirish, ichki ishlar vaziriga suiqasd qilish, davlat idoralari, cherkov  va masjidlarda teraktlar uyushtirishda ayblangan. 

Ashmaviyning qatl qilingani haqida 24 fevralda xabar berilgan, ammo uning advokatlari bu xabarni rad etgandi. Unga va yana 36 nafar terrorchiga nisbatan yakuniy o‘lim hukmi 2 mart kuni chiqarilgan. Yana 61 nafar ayblanuvchi bir umrlik qamoq jazosiga, qolganlar esa 5 yildan 15 yilgacha ozodlikdan mahrum etilgan. 22 ayblanuvchi vafot etgani munosabati bilan ularga nisbatan jinoyat ishi tugatilgan.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top