14:41 / 05.03.2020
0
5679

Xodimlardan birida koronavirus aniqlangani sababli Facebook’ning Sietldagi ofisi 9 martgacha yopildi

Kompaniya chorshanba kuni xodimlardan birida koronavirus aniqlangani haqida xabar qilgan va ularga uydan turib ishlashni tavsiya qilgan.

Foto: REUTERS

Facebook kompaniyasining Sietldagi ofisi xodimlaridan birida koronavirus aniqlandi. Xodimlarga mart oxiriga qadar uydan turib ishlash tavsiya etildi. Bu haqda Deadline nashri xabar bermoqda.

Nashrga ko‘ra, kompaniya chorshanba kuni xodimlardan birida koronavirus aniqlangani haqida xabar qilgan va ularga uydan turib ishlashni tavsiya qilgan. Bundan tashqari, Sietldagi ofis 9 martgacha yopiladi.

Avvalroq Amazon kompaniyasi ham xodimlardan birida virus aniqlanganidan so‘ng o‘z xodimlariga uydan turib ishlashni tavsiya etgandi.

JSSTning oxirgi ma'lumotlariga ko‘ra, Xitoyda koronavirus yuqtirganlar soni 80 mingdan oshgan, XXRdan tashqari 78 mamlakatda 14,5 ming kishi bu kasallikka chalingan.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top