12:10 / 06.03.2020
0
22135
Koronavirus: Eronda 50 nafarga yaqin o‘zbekistonlik bor, TIV ularga tavsiya bilan chiqdi

Hozirgi paytda 50 nafarga yaqin hamyurtlarimiz Eronda bo‘lib turibdi, ular orasida koronavirus bilan kasallanganlar qayd etilmagan

Foto: Anadolu Agency

Tashqi ishlar vazirligi Eron hududida bo‘lib turgan O‘zbekiston fuqarolari hamda ularning qarindoshlari va yaqinlariga murojaat qildi.

Qayd etilishicha, 2020 yil 1 martdan boshlab Tehron shahridagi O‘zbekiston elchixonasi huzurida ishchi guruh tuzilgan bo‘lib, u Eronda COVID-19 koronavirusining tarqalishi bilan bog‘liq epidemiologik vaziyat barqarorlashganiga qadar tun-u kun faoliyat yuritadi.

Elchixona ma'lum qilishicha, hozirgi paytda 50ga yaqin hamyurtlarimiz turli sabablarga ko‘ra Eronda bo‘lib turibdi, 6 mart kuni ertalabki holatga ko‘ra ular orasida koronavirus bilan kasallanganlar qayd etilmagan.

“Elchixona Eron tomonining vakolatli organlari bilan doimiy aloqada bo‘lib turibdi, Ishchi guruh a'zolari uchrashuvlar, tushuntirish ishlari olib bormoqda, shuningdek, vatandoshlarga konsullik huquqiy va boshqa masalalarni hal qilishda yordam bermoqda.

Elchixona rasmiy veb-sayti va «Telegram» messenjerida tashkil etilgan maxsus guruh orqali O‘zbekiston fuqarolariga Eron hukumati o‘rnatgan me'yor va qoidalariga, ehtiyotkorlik sanitariya choralariga qat'iy rioya qilishlarini, vatanga qaytish yoki boshqa bir qarorga kelishdan oldin, xotirjamlik va ehtiyotkorlik bilan xulosa chiqarishni tavsiya etadi. 

Shuni yodda tutish joizki, Erondan Toshkentga qaytgach O‘zbekiston fuqarolari maxsus tayyorlangan joyda 14 kun davomida karantinda bo‘ladilar”, - deyiladi ma'lumotda.

O‘zbekiston Respublikasi elchixonasidagi ishchi guruh bilan bog‘lanish ma'lumotlari:

Tel.: +98 2122832071; +98 2122299780;
Kosturayev Kosturajon (konsul), tel.: +98 91201327823.

Elchixonaning Internet manbalari:
Elchixona veb-sayti: http://uzbekembassy.ir/

Telegramdagi Citizens of Uzbekistan in Iran guruhi: 
https://t.me/UzbekistanCitizensinIran.

Bundan oldin, O‘zbekiston elchisi Koreyada bo‘lib turgan fuqarolarga murojaat qilgandi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top