Qozog‘istonning Pavlodar viloyatida 28 nafar yo‘lovchisi bo‘lgan avtobus ag‘darilib ketdi. Qurbonlar va jabrlanganlar yo‘q, deb yozmoqda KazTAG.
Viloyat favqulodda vaziyatlar boshqarmasining xabar berishicha, yo‘l-transport hodisasi 6 martga o‘tar kechasi Ekibastuz qishlog‘i yonida, Qizilo‘rda-Pavlodar avtomobil yo‘lining 1160-kilometrida sodir bo‘lgan.
«Mercedes rusumli avtobus haydovchisi rul boshqaruvini yo‘qotib, Novosibirsk - Toshkent yo‘nalishi bo‘ylab harakatlangan avtobusni ag‘darib yubordi, - deya izoh bergan mahkama. - Salonda 28 kishi bo‘lgan, ulardan 26 nafari O‘zbekiston Respublikasi fuqarolari va ikki haydovchi - bizning mamlakatimiz fuqarosi. Favqulodda holatlar tibbiy markazi mutaxassislari, politsiyachilar va mahalliy ijroiya hokimiyati vakillari yo‘l-transport hodisasi ro‘y bergan joyga yetib borishdi. Shifokorlar ko‘rigidan o‘tgach, yo‘lovchilarning barchasi o‘tkinchi transportga o‘tirib ketishdi, haydovchilar voqea joyida qoldi», - deb xabar berdi FVB.
Viloyat politsiya departamenti matbuot xizmatining xabar berishicha, avtobus Novosibirskdan Chimkentga ketayotgan bo‘lgan. Ushbu holat bo‘yicha surishtiruv olib borilmoqda.
