01:07 / 12.03.2020
0
7007
Rossiya Italiya, Germaniya, Fransiya va Ispaniya bilan aviaaloqaga cheklov kiritdi
Foto: TASS

Rossiya 13 mart kunidan koronavirus epidemiyasi ortida Italiya, Germaniya, Fransiya va Ispaniya bilan aviaaloqaga cheklov kiritdi.

Bu haqda Rossiyaning koronavirus olib kirilishi va tarqalishi oldini olish bo‘yicha tezkor shtabida ma'lum qilindi.

Moskvadan Rim, Berlin, Myunxen, Frankfurt, Madrid, Barselona, Parijga va ortga muntazam reyslar bundan mustasno bo‘ladi. Reyslar “Sheremetevo” aeroportining F terminali orqali amalga oshiriladi.

Shuningdek, yuqorida tilga olingan davlatlarga ularning fuqarolari va boshqa xorijliklarni yetkazish hamda rossiyaliklarning bu davlatlardan olib chiqilishi bo‘yicha charter reyslarga cheklov taalluqli bo‘lmaydi.   

Bundan tashqari, Rossiya Italiya fuqarolariga ishbilarmonlik, gumanitar, diplomatik va ishchi vizalardan tashqari boshqa vizalar berishni vaqtincha taqiqladi. Shuningdek, hududlar ma'muriyatlariga xodimlarining xorijiy safarlarini bekor qilish tavsiya qilingan.

Ayni vaqtda koronavirusga chalinganlar soni butun dunyo bo‘ylab 114 ta davlatda 118 mingga yaqinni, undan vafot etganlar soni 4291 nafarni tashkil qilmoqda. 

Shuningdek, Jahon sog‘liqni saqlash tashkiloti koronavirus epidemiyasi pandemiyaga aylanganini e'lon qilgan. 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top