01:19 / 14.03.2020
39130
AQShda koronavirus sabab favqulodda holat e'lon qilindi
Foto: AP

AQSh prezidenti Donald Tramp mamlakatda koronavirus sabab favqulodda holat e'lon qildi. Bu haqda maxsus tashkillashtirilgan matbuot anjumanida ma'lum qilindi.

Trampning so‘zlariga ko‘ra favqulodda holat e'lon qilinishi koronavirusga qarshi kurash uchun muhim chora hisoblanadi. AQSh prezidenti koronavirusga qarshi kurash uchun 50 milliard dollargacha pul ajratilishi mumkinligini aytdi. Favqulodda holatning dastlabki bosqichida virusdan himoyalanish uchun kerakli bo‘lgan vositalar mamlakat bo‘ylab tarqatiladi.

Tramp favqulodda holat e'lon qilinishiga oldinroq yozgan tvitterdagi postida ishora qilgandi: «Bugun 15:00da Oq uyda matbuot anjumani o‘tkaziladi. Mavzu: koronavirus!», deb yozgandi Tramp o‘z mikroblogida.

12 mart kuni Tramp koronavirusga qarshi kurash maqsadida 30 kunga Yevropa mamlakatlaridan AQShga kirishni taqiqlash haqida qaror qabul qilgandi. Oldinroq AQShning Vashington, Nyu-York va Kaliforniya shtatlarida favqulodda holat e'lon qilingan edi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top