23:49 / 15.03.2020
118918
Koronavirus qanday haroratda tarqalmasligi ma'lum qilindi

Xitoylik tadqiqotchilarning aniqlashicha, koronavirusning tarqalishi uchun mukammal sharoitlar +5 darajadan 8,72 darajagacha iliq harorat va 35-50 foiz namlik hisoblanar ekan.

Foto: Reuters

Bu haqda Xitoyning Sun Yatsen universitetiga tayanib “Izvestiya” nashri xabar berdi.

Xitoylik mutaxassislar koronavirusdan kasallanishning 20 yanvardan 4 fevralgacha holatini tahlil qilishgan. Bu vaqtda Xitoyda va yana 26 ta davlatda 24139 nafar kasal qayd qilingan. Ulardan 68 foizi virus tarqalish o‘chog‘i hisoblangan Xubey provinsiyasidan bo‘lgan. 

Olimlar virusning inkubatsion davri hamda turli shaharlarda kiritilgan karantin chora-tadbirlarini hisobga olishgan. Tadqiqot havo harorati 8,7 darajadan oshishi bilanoq virus faolligi darhol pastlay boshlaganini, 30 daraja issiqda esa uning yuqish tezligi nolga tenglashganini ko‘rsatgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top