19:59 / 19.03.2020
5183
Samarqand xalqaro aeroporti dezinfeksiya qilindi

Koronavirus O‘zbekistonga kirib kelgani e'lon qilingach, Samarqanddagi barcha jamoat joylari dezinfeksiya qilindi. Virusning oldini olish uchun dezinfeksiya tadbirlari doirasida bugun sanitariya epidemologiya osoyishtalik markazi xodimlari Samarqand xalqaro aeroportida bo‘lishdi.

Aeroportning barcha yerlari to‘liq dezinfeksiya qilindi. Hozirda parvozlar amalga oshirilmayotgan bo‘lsa-da, Samarqand xalqaro aeroporti ish faoliyatini davom ettirmoqda va parvozlarni qabul qilishga tayyor holatda.

Ma'lumot uchun, Samarqand sanitariya epidemologiya osoyishtalik markazi tomonidan shahardagi barcha jamoat joylari, jamoat transportlari, odam gavjum bo‘ladigan yerlar dezinfeksiya qilinmoqda. Viloyat hokimi o‘rinbosari Rustam Qobilov bir guruh talabalar ham ko‘ngilli tarzda dezinfeksiya ishlarida qatnashayotganini aytgandi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top