23:13 / 22.03.2020
7390
Benzin narxi oshmaydi, 3 oylik zaxiramiz bor – Toshkent shahar hokimligi

Toshkent shahar hokimligi ijtimoiy tarmoqlarda benzin narxi oshib, yonig‘li quyish shoxobchalari yopilishi haqida tarqalgan ma'lumotlarni rad etdi.

Foto: Reuters

Shahar hokimligi matbuot xizmati rahbari Furqat Mahmudxo‘jayevning Kun.uz`ga ma'lum qilishicha, yonilg‘i quyish shoxobchalari faoliyatini davom ettiradi, benzin narxini oshirish rejalashtirilmayapti.

«Respublikaning 3 oylik zaxirasi bor. Ijtimoiy tarmoqlarda tarqalgan xabarlar mutlaqo asossiz», – dedi Mahmudxo‘jayev.

Eslatib o‘tamiz, bundan oldin ushbu ma'lumotni Energetika vazirligi, «O‘zbekneftgaz» va «O‘ztransgaz» AJlar ham rad etgan edi.

Rasmiylarning aytishicha, «O‘zbekneftgaz» shoxobchalarida benzin narxi respublika bo‘yicha bir xil bo‘lishi qat'iy nazorat qilinadi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top