00:17 / 24.03.2020
73272
Plastik va qog‘ozda 5 kungacha: Koronavirus narsa-buyumlar yuzasida qancha vaqt yashaydi?

Infeksiya eng uzoq vaqt qog‘oz va plastik yuzada saqlanishi mumkin.

O‘zbekistonda allaqachon 40dan ziyod kishiga yuqqan koronavirusli infeksiya turli yuzalarda 5 kungacha saqlanib turishi mumkin ekan. Ukrainalik taniqli pediatr Yevgeniy Komarovskiy bu borada infografika e'lon qildi.

Ma'lumotlarga ko‘ra, infeksiya qog‘oz va plastik yuzada eng uzoq vaqt davomida saqlanishi mumkin – 5 kungacha.

Shuningdek, u 4 kungacha yog‘och hamda shisha yuzada saqlanib turishi mumkin.

Virus alyuminiy yuzalarda 2 soatdan 8 soatgacha, jarrohlik qo‘lqoplarida 8 soatgacha, temir sirtlarda 48 soatgacha saqlanadi.

Yodda tuting: o‘zingizni saqlash uchun:

  • O‘RVI alomatlari bor insonlar bilan aloqada masofalaning — kamida 1,5 metrgacha;
  • yuzingizga, jumladan, ko‘z, burun va og‘zingizga teginmang;
  • mahsulotlarni olovda toblab iste'mol qiling — go‘sht, go‘sht mahsulotlari va tuxumni xomligicha yemang;
  • O‘RVIning birinchi alomatlari paydo bo‘lganda zudlik bilan oilaviy vrachingizga murojaat qiling.
Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top