Bu Qozog‘istonda COVID-19 aniqlangan dastlabki bemorlardan biri bo‘lgan erkak kishi ekani aytiladi
Koronavirus infeksiyasini yuqtirgan qozog‘istonlik uchinchi fuqaro Olmaotadagi kasalxonadan chiqarildi, deb xabar bermoqda Coronavirus2020.kz.
Bu Qozog‘istonda COVID-19 aniqlangan dastlabki bemorlardan biri bo‘lgan erkak kishidir.
Jamoat sog‘liqni saqlash boshqarmasi ma'lumotlariga ko‘ra, uning nazorat tahlili natijalari salbiy bo‘lgan.
«Bu bemor 13 martga o‘tar kechasi Berlin - Minsk - Olmaota reysi bilan Olmaotaga kelgan erkak kishi. U virusga qarshi davolash va simptomatik terapiyaning to‘liq kursini oldi. Kasallik yengil kechdi. Davolanish davrida asoratlar kuzatilmadi. Hozir u 14 kunlik karantinga chiqarildi, uyida tibbiy xodimlar nazorati ostida bo‘ladi», - deya xabar qildi shifokorlar.
Bundan oldin, Olmaotaga karantin sababli harbiy texnika kiritilgandi.
