09:37 / 01.04.2020
6175
O‘zbekistonda benzin va gaz uchun aksiz solig‘i stavkasini oshirish bekor qilindi

Moliya vazirligi benzin, dizel yoqilg‘isi va gazni oxirgi iste'molchiga sotishda belgilangan aksiz solig‘i stavkasi yil oxiriga qadar o‘zgarishsiz qolishini ma'lum qildi.

Foto: Reuters

«Qabul qilingan qarorga asosan joriy yil oxiriga qadar spirt, alkogol mahsulotlari, shu jumladan vino va pivo, shuningdek oxirgi iste'molchiga sotiladigan benzin, dizel yoqilg‘isi hamda suyultirilgan va siqilgan gazga amaldagi aksiz soliq stavkalari saqlanib qolinishi belgilandi», deyiladi xabarda.

Ma'lumot uchun, «2020 yil uchun O‘zbekiston Respublikasining Davlat budjeti to‘g‘risida»gi O‘zbekiston Respublikasi qonuniga asosan joriy yilning 1 aprelidan boshlab aksiz soliq stavkalari oshirilishi ko‘zda tutilgan edi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top