Qirg‘izistonda 4 oktyabrda davlat boshqaruvining prezident yoki parlament shaklini tanlash bo‘yicha referendum o‘tkazish taklif etildi.
Bu haqda Qirg‘iziston parlamenti matbuot xizmatida ma'lum qilingan.
“1 apreldan ommaviy muhokamaga “Qirg‘iziston Respublikasi davlat tuzilishini belgilash bo‘yicha referendum tayinlash to‘g‘risida”gi qonun loyihasi qo‘yilmoqda”, deyilgan xabarda.
Qonun loyihasida ovoz berish byulletenida savolning quyidagicha qo‘yilishini tasdiqlash taklif qilingan: “Siz Qirg‘iziston Respublikasida davlat boshqaruvining qaysi shaklini qo‘llab-quvvatlaysiz?”. Va bunga ikkita javob varianti – “parlament” va “prezident” beriladi.
Hozirda Qirg‘izistonda boshqaruvning parlament shakli amal qiladi. U 2010 yilda aprel inqilobidan keyin o‘tkazilgan referendumda tasdiqlangan. Boshqaruvningbu shaklida prezident vakolatlari jiddiy cheklangan, mamlakatning ichki siyosatini nazorat qilishda 120 o‘rinlik parlament muhim rol o‘ynaydi.
