Joriy yilning 9 aprel kuni o‘z vaqtida yo‘q qilib yuborilgan Izgancha-2 qudug‘ida olib borilgan to‘liq, ta'mirlash va ikkinchi stvolni 30 metrlik oralig‘ida gorizontal burg‘ulash ishlaridan so‘ng quduqdan gazning sanoat oqimi olindi.
Shu yil mart oyida esa Izgancha-4 qudug‘idan kondensat oqimi olingan edi. Olinayotgan uglevodorodlar, hisoblangan zaxiralari 5 mlrd. kub.m tabiiy gazni tashkil etadigan yangi gaz kondensat koni ochilganidan dalolat beradi.
Hozirgi paytda yangi konning tuzilmasini va zaxiralarini aniqlashtirishga qaratilgan geologik qidiruv ishlari olib borilmokda. Shu bilan birga, Izgancha-2 qudug‘ida zamonaviy texnologiyalarni qo‘llagan holda qazib olish hajmini oshirishga qaratilgan ishlar davom ettiriladi.
Kompaniya tomonidan olib borilayotgan barcha ishlar COVID-19 koronavirusi tarqalishining oldini olishga qaratilgan karantin tadbirlari doirasida, sanitariya-epidemiologik talablarga qat'iy rioya etilgan holda bajarilmoqda.
Qazib olinayotgan uglevodorodlarning hammasi mamlakatimiz ichki bozoriga yo‘naltirilmoqda.
Epsilon Development Company (EDC) Matbuot xizmati