10:30 / 10.04.2020
217692
Olimlar: Koronavirus 92 daraja issiqda 15 daqiqa qizdirilgandagina to‘liq yo‘q bo‘ladi

Yangi laboratoriya tajribalari davomida koronavirusni to‘liq yo‘q qilishga imkon beruvchi harorat va bu harorat ta'sirining davomiyligi aniqlandi. 

Foto: ANTON NOVODEREZHKIN/TASS

Olingan natijalar laboratoriyalarda mavjud dezinfeksiya standartlarini yanada mukammallashtirishga yordam beradi. Bundan tashqari, ushbu natijalar ba'zi virusologlarning issiq havo kelishi bilan koronavirus tarqalishi sur'atlari pasayishiga umid qilishlarini shubha ostiga qo‘yadi.

Fransiyalik olimlar tajribalar davomida koronavirus zarralari Tselsiy bo‘yicha 60 darajagacha qizdirilganda o‘lmay qolishini bilishmoqchi bo‘lishgan. Bunday harorat ko‘plab laboratoriyalarda ba'zi viruslarni zararsizlantirishda qo‘llanadi. Aniqlanishicha, koronavirus unga 92 daraja harorat bilan 15 daqiqa davomida ta'sir qilingandagina to‘liq o‘ladi.  

Olimlar koronavirusga 56°S harorat bilan yarim soat va 60°S harorat bilan bir soat davomida ta'sir qilishganda, virus zarralari tajriba namunalarida saqlanib qolgan. Tajribalar yashil maymun hujayralarida va steril muhitda o‘tkazilgan. 

Ta'kidlanishicha, olingan natijalar virus havo isishidan qo‘rqmasligini, Shimoliy yarimsharga issiq havo kelishi bilan koronavirusdan kasallanish darajasi o‘z-o‘zidan pasayishi haqidagi ta'kidlar asosga emasligini anglatadi. 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top