22:54 / 11.04.2020
5565
Politsiya Moskvaga kirish yo‘llarini nazorat ostiga oldi

Keyingi sutkada Rossiyada ushbu kasallikka chalinish bilan bog‘liq 1667 ta holat qayd etildi, jami holatlar soni 13,5 mingdan oshdi, 100dan ortiq kishi vafot etdi. Eng ko‘p bemor Moskvada aniqlangan – 9 mingga yaqin.

Foto: Kommersant

Moskvadagi barcha kirish yo‘llarida transport harakatini nazorat qilayotgan politsiyachilar navbatchilik qilmoqda, deb ma'lum qildi Moskva IIV boshqarmasi matbuot xizmati rahbari Vladimir Vasenin. Ular tranpsort egalaridan Moskvaga kirish sababini aniqlashmoqda.

«Hozirda politsiya xodimlari kunu tun poytaxtning barcha rayonlarida navbatchilik qilmoqda. Bundan tashqari, shaharga kiruvchi barcha yo‘llarda avtoinspeksiya xodimlari transport harakatlanishini nazorat qilmoqda»,— dedi Vladimir Vasenin.

Cheklovlar koronavirus tarqalishi sababli joriy etilmoqda. Keyingi sutkada Rossiyada ushbu kasallikka chalinish bilan bog‘liq 1667 ta holat qayd etildi, jami holatlar soni 13,5 mingdan oshdi, 100dan ortiq kishi vafot etdi. Eng ko‘p bemor Moskvada aniqlangan – 9 mingga yaqin.

Avvalroq Moskva meri Sergey Sobyanin shaharda ruxsatnoma bilan yurish rejimi joriy etilishini e'lon qilgandi.  

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top