11:58 / 13.04.2020
5910
Toshkentda haydovchilari stikersiz harakatlangan 153ta avtomobil jarima maydonchasiga joylandi

Toshkent shahar IIBB avtotransport harakatlanishiga nisbatan o‘rnatilgan taqiqni buzganlarni aniqlash bo‘yicha olib borilgan ishlar natijasi to‘g‘risida ma'lumot berdi

Foto: Toshkent shahar IIBB axborot xizmati

Yo‘l-patrul xizmati va Milliy gvardiya hamda sanitariya-epidemiologiya xizmati xodimlari tomonidan 12 aprel kuni Toshkent yo‘llarida umumiy 462ta qoidabuzarliklar aniqlandi. Ulardan 205ta yo‘l harakati qoidabuzarligi faktlari qayd etildi. 247ta avtomobil jarima maydonchasiga joylandi.

257 ta avtomobil haydovchilariga nisbatan ma'muriy huquqbuzarlik bo‘yicha O‘zbekiston Respublikasi Ma'muriy javobgarlik to‘g‘risidagi kodeksining 54-moddasiga (“Epidemiyalarga qarshi kurash qoidalarini buzish”) ko‘ra bayonnomalar rasmiylashtirilgan.

Ulardan 153ta avtomobil haydovchilari tegishli ruxsatnomasiz (stiker) shahar bo‘ylab harakatlanayotgani uchun jarima maydonchasiga joylandi. Ularga nisbatan SEX xodimlari tomonidan huquqbuzarlik bo‘yicha O‘zbekiston Respublikasi Ma'muriy javobgarlik to‘g‘risidagi kodeksining 54-moddasi 2-qismiga (“Epidemiyalarga qarshi kurash qoidalarini buzish”) ko‘ra bayonnomalar rasmiylashtirildi. 

Mazkur moddaga binoan fuqarolarga bazaviy hisoblash miqdorining yigirma baravaridan o‘ttiz baravarigacha ya'ni (4 mln. 460 ming so‘mdan 6 mln. 690 ming so‘mgacha), mansabdor shaxslarga esa — o‘ttiz baravaridan ellik baravarigacha ya'ni (6 mln. 690 ming so‘mdan 11 mln. 150 ming so‘mgacha) miqdorda jarima solinishi belgilangan.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top