19:12 / 17.04.2020
23881
Britaniyalik olimlar koronavirusning ancha oldin paydo bo‘lganini ta'kidlashmoqda

Koronavirus Xitoyda 2019 yil sentabr oyida paydo bo‘ldi va Uhan shahrining bunga aloqasi yo‘q, deb hisoblamoqda Kembrij universiteti olimlari.

Foto: Shutterstock

17 aprel kuni South China Morning Post nashri Kembrij universiteti tadqiqotiga e'tibor qaratdi. Britaniyalik olimlar fikriga ko‘ra, koronavirus epidemiyasining xuruji dekabrdan ham avvalroq, sentabr oyida boshlangan. Virus 13 sentabr va 7 dekabr oralig‘ida paydo bo‘lgan. Avvalroq uning Uhan shahridagi dengiz mahsulotlari bozoridan tarqalgani aytilgan edi. Tadqiqotchilar esa uni Xitoyning janubida paydo bo‘lganini taxmin qilishmoqda.

Virus insoniyatga hujum qilib, epidemiya tusini olguncha ancha vaqt davomida payt poylagan. Kembrij universitetining irsiyatshunos olimi Piter Foster bu borada shunday dedi: 

«Virus inson uchun qulay bo‘lgan shaklga kirish uchun bir necha oy davomida mutatsiyalashgan. Oldin ko‘rshapalak yoki boshqa hayvon yoki inson vujudida bir necha oylar davomida yashiringan, hech kimga yuqmagan».

Buni aniqlash uchun tadqiqotchilar guruhi virusning ko‘plab shtammlarini tahlil qilib, matematik algoritmdan foydalanishgan. U genlar mutatsiyasi davrida organizmlarning global harakati kartasini tuzish imkonini bergan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top