Oxirgi ma'lumotlarga ko‘ra, Belarusda koronavirusga chalinganlar soni 4204 nafarni tashkil etmoqda, 40 kishi vafot etgan.
Foto: EPA / TASS
Belarus prezidenti Aleksandr Lukashenko amaldorlar koronavirus tarqalishiga qarshi kurash fonida mamlakat iqtisodiyotini unutmasliklari kerakligini aytdi.
"Ishlab chiqarish barbod bo‘lmasligi uchun iqtisodiyotga qaranglar", - dedi u Grodno oblastiga tashrifi chog‘ida.
Lukashenko bu qishloq xo‘jaligiga ham taalluqli ekanini ta'kidladi.
"Zotiljam ketadi, non esa kerak. Qishloqdan xavotir olayotganim yo‘q. Ishlayapmiz. Ammo sanoat... Chunki atrofda hamma narsa to‘xtab qoldi", - deb qo‘shib qo‘ydi u.
Oxirgi ma'lumotlarga ko‘ra, Belarusda koronavirusga chalinganlar soni 4204 nafarni tashkil etmoqda, 40 kishi vafot etgan.
