10:18 / 21.04.2020
3640
Oksford lug‘atiga koronavirus bilan bog‘liq yangi so‘zlar kiritildi 

Lug‘atshunoslar ingliz tilining eng katta lug‘ati - Oksford lug‘atiga koronavirus bilan bog‘liq yangi so‘zlar kiritishdi.

Foto: AP Photo / Caleb Jones

Bu haqda The Guardian nashri xabar berdi. 

Lug‘atda “ijtimoiy masofa”, “o‘zini yakkalash” va WFH abbreviaturasi, ya'ni work from home (uydan ishlash) iboralari paydo bo‘lgan.

“Bu bir so‘zning (COVID-19) qisqa vaqt ichida qo‘llanishi keskin oshishi va uning tilda ustunlik qilishi kuzatilayotgan kamdan-kam uchrovchi holatdir”, deb aytgan lug‘at muharrirlaridan biri Bernadett Peton.

COVID-19 so‘zining o‘zi esa lug‘atga “odamlarda koronavirus bilan chaqiriluvchi o‘tkir respirator kasallik, u og‘ir holatga va hattoki o‘limga olib kelishi mumkin, ayniqsa keksalar va turli kasalliklarga ega kishilarda” degan ta'rif bilan kiritilgan.

Lug‘atshunoslar ham ayni vaqtda ko‘pchilik kabi uylaridan ishlashmoqda. Ular pandemiya sababli yuz berayotgan o‘zgarishlarni qayd qilib, lug‘atga u yoki bu so‘z yoki iboralarning kiritilishi bo‘yicha o‘z takliflarini berishmoqda.

Mutaxassislar ma'lumotlariga ko‘ra, hozir koronavirus (yoki COVID-19) so‘zi tilda ustunlik qilmoqda. Vaholanki, bungacha dekabrda eng ko‘p qo‘llanuvchi so‘zlar “Brexit” va “impichment”, yanvarda “koala”, bushfire – “vayronkor o‘rmon yong‘inlari”, “sarancha” va “qotillik” bo‘lgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top