10:58 / 28.04.2020
97266
Koronavirus infeksiyasi karantin zonasidan tashqarida ham aniqlanayotgani aytildi

Ushbu kasallik aholi orasida ham uchrab turgani aytildi. Shuning uchun karantin qoidalariga qat'iy rioya qilish so‘ralgan.

Foto: KUN.UZ

AOKA shtabida Sog‘liqni saqlash vazirligi huzuridagi Koronavirusga qarshi kurash shtabi a'zosi Habibulla Oqilov ishtirokida brifing bo‘lib o‘tdi.

Brifingda muhim savol va murojaatlar yuzasidan javob qaytarildi. Xususan, koronavirus infeksiyasi karantin zonasidan tashqarida, ya'ni oddiy aholi o‘rtasida ham aniqlanayotgani haqida savol berildi.

“Ha, afsuski, ushbu kasallik aholi orasida ham oz bo‘lsa-da, uchrab turibdi. Ammo ular ham kasallikka chalinganlar bilan muloqotda bo‘lgan yoki kasallikka chalinganlar bilan muloqotda bo‘lganlar bilan muloqotda bo‘lgan.

Shuning uchun karantin qoidalariga qat'iy rioya qilishingizni so‘raymiz”, - dedi Habibulla Oqilov.

Bundan oldin, SSV koronavirusda ibuprofen qabul qilish tavsiya etilmasligini tasdiqlagandi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top