14:34 / 29.04.2020
5584
Braziliya prezidenti koronavirus epidemiyasi oldida kuchsiz ekanligini aytdi

Avvalroq Jair Bolsonaru epidemiyani «kichikroq gripp» deb atagan va shtatlar gubernatorlarini cheklov choralari kiritgani uchun tanqid qilgandi.

Foto: AP Photo/Eraldo Peres

Braziliya prezidenti Jair Bolsonaru 5 ming nafar braziliyalikning umriga zomin bo‘lgan koronavirus epidemiyasi oldida kuchsiz ekanligini aytdi. U mamlakatda koronavirusdan qurbon bo‘lganlar soni virus birinchi bo‘lib aniqlangan Xitoydagidan oshib ketgani haqidagi xabarga ana shunday munosabat bildirdi.

"Nima bo‘pti? Taassufdaman. Mo‘jiza ko‘rsatishga qodir emasman", - dedi u jurnalistlar bilan muloqotida.

Bolsonaru vafot etganlarning oilalariga ta'ziya bildirdi. Uning so‘zlariga ko‘ra, marhumlarning aksariyati keksa yoshdagilar bo‘lgan.

"Ammo hayot shunaqa. Ertaga mening navbatim keladi. Biz munosib umr kechirish va o‘zimizdan yaxshi xotira qoldirishga harakat qilamiz", - dedi u.

Avvalroq Jair Bolsonaru epidemiyani «kichikroq gripp» deb atagan va shtatlar gubernatorlarini cheklov choralari kiritgani uchun tanqid qilgandi.

Oxirgi ma'lumotlarga ko‘ra, Braziliyada koronavirus yuqtirganlar soni 73,2 mingdan oshgan, 5083 kishi vafot etgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top