11:23 / 29.04.2020
2877
«Startaplar to‘g‘risida»gi qonun loyihasi e'lon qilindi

Qonunning maqsadi startaplarni tashkil etish va rivojlantirish sohasidagi munosabatlarni, shuningdek, rag‘batlantirish mexanizmlari va o‘z faoliyatida innovatsion g‘oyalardan foydalanishni tartibga solishdan iborat.

Foto: Fotolia / Vege

Normativ-huquqiy hujjatlar loyihalari muhokamasi portalida “Startaplar to‘g‘risida”gi qonun loyihasi e'lon qilindi.

Startaplarni tashkil etishning asosiy prinsiplari quyidagilardan iborat:

startaplarni amalga oshirish uchun yo‘nalishni, manbalarni va shartlarni tanlash erkinligi;

startaplarni davlat tomonidan qo‘llab-quvvatlash dasturlaridan teng foydalanishni ta'minlash;

ekologik, ilmiy, axloqiy me'yorlarga rioya qilish;

inson hayoti va sog‘lig‘iga, atrof-muhitga zarar yetkazmaslik.

Startap-ekotizimni tashkil etish va rivojlantirishni davlat tomonidan qo‘llab-quvvatlashning asosiy yo‘nalishlari quyidagilardan iborat:

startap-ekotizimni rivojlantirish uchun qulay ijtimoiy va iqtisodiy sharoitlarni yaratish;

ustuvor yo‘nalishlarni aniqlash va startap-ekotizimni qo‘llab-quvvatlash bo‘yicha chora-tadbirlarni amalga oshirish;

startaplarni rivojlantirish va korxonalarni rag‘batlantirish bo‘yicha davlat dasturlarini ishlab chiqish va amalga oshirish;

startap-ekotizim ishtirokchilarini davlat tomonidan qo‘llab-quvvatlash va rag‘batlantirish;

venchur kapital sohasini rivojlantirishga ko‘maklashish va venchur kapital tashkilotlarini startaplarga investitsiya kiritishga rag‘batlantirish;

startap-ekotizimni rivojlantirish bo‘yicha xalqaro hamkorlikni amalga oshirish.

Startap-ekotizimini tashkil etish, startaplarni ro‘yxatga olish, monitoring qilish va rivojlantirish, shuningdek biznes-inkubatorlar va boshlang‘ich akseleratorlarni sertifikatlash bo‘yicha vakolatli davlat organi O‘zbekiston Respublikasi Innovatsion rivojlanish vazirligi hisoblanadi.

Vakolatli davlat organi:

startap-ekotizimni tashkil etish va rivojlantirish bo‘yicha yagona davlat siyosatini amalga oshiradi;

boshlang‘ich ekotizimni tashkil etish va rivojlantirish sohasida yagona davlat siyosatini amalga oshirishni ta'minlash maqsadida davlat va xo‘jalik boshqaruvi organlari, mahalliy davlat hokimiyati organlarining faoliyatini muvofiqlashtiradi;

startap-ekotizimni tashkil etish va rivojlantirish bo‘yicha yagona davlat siyosatini amalga oshirish sohasidagi normativ-huquqiy hujjatlarni ishlab chiqishda qatnashadi, shuningdek o‘z vakolatlari doirasida ushbu sohadagi me'yorlar va qoidalarni ishlab chiqadi va tasdiqlaydi;

ko‘mak dasturlarini taqdim etish tartibini ishlab chiqadi;

mamlakatda startap-ekotizimini tashkil etish va rivojlantirish bo‘yicha yagona davlat siyosati amalga oshirilishining monitoring va tahlil qiladi, shuningdek ushbu sohada idoralararo hamkorlikda yetakchi rol o‘ynaydi;

ko‘mak dasturlarini taqdim etish yoki rad etish to‘g‘risida qaror qabul qiladi;

startaplar, biznes inkubatorlar va startap akseleratorlarni ro‘yxatdan o‘tkazish va hisobga olish uchun yagona onlayn platformani tashkil qiladi va muvofiqlashtiradi;

startap-ekotizimida ishtirokchilarni ro‘yxatdan o‘tkazish yoki rad etish to‘g‘risida qaror qabul qiladi;

mamlakatning startap-ekotizimini rivojlantirish bo‘yicha xalqaro hamkorlikni amalga oshiradi.

Vakolatli davlat organi qonun hujjatlariga muvofiq boshqa vakolatlarni ham amalga oshirishi mumkin.

Top