Sog‘liqni saqlash vazirligi O‘zbekistonda yana 9 kishiga koronavirus infeksiyasidan zararlanish tashxisi qo‘yilgani haqida xabar berdi.
«2020 yil 3 may soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 2127 nafarni tashkil qilmoqda», deyiladi vazirlik xabarida.
2 may kuni jami 32ta yangi zararlanish holati qayd etildi, 59 nafar bemor sog‘aydi.
Umuman, so‘nggi 12 kunda ijobiy tendensiya kuzatilmoqda - bu oraliqdan 11 kunda tuzalganlar soni yangi holatlar sonidan ko‘p bo‘lgan, faqat 30 aprel kuni ikki holat ham teng bo‘lgan.
Ayni vaqtgacha 1271 kishi kasallikdan sog‘aygan, 847 kishi shifoxonalarda davolanmoqda.