00:33 / 08.05.2020
12085
Trampning shaxsiy yordamchisida koronavirus aniqlandi

AQSh prezidenti Donald Trampning shaxsiy yordamchilaridan birida koronavirus aniqlandi.

Foto: Doug Mills/ EPA

CNN telekanalining xabar berishicha, koronavirus Trampning shaxsiy kamerdineri vazifasini bajaruvchi AQSh harbiy-dengiz kuchlari xizmatchisida aniqlangan. 

Ma'lum qilinishicha, AQShda kamerdinerlar nufuzli harbiy qism a'zolari hisoblanib, prezident oilasiga yaqin ishlaydilar. 

Tramp o‘z yordamchisida koronavirusga test musbat natija bergani haqidagi xabardan ko‘ngli xira bo‘lgan.

“Prezident va vitse-prezidentning virusga testlari manfiy natija berib kelmoqda, ular sog‘lomlar”, deyilgan xabarda.

Koronavirus epidemiyasi vaqtida AQSh prezidenti, vitse-prezident Mayk Pens va Oq uy ma'muriyatining yetakchi xodimlari muntazam ravishda koronavirusga test topshirmoqdalar. 

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top