22:40 / 20.05.2020
28590
O‘zbekistonda koronavirusdan zararlanish holatlari soni 2939taga yetdi

Sog‘liqni saqlash vazirligi yana 12 kishiga koronavirusdan zararlanish tashxisi qo‘yilgani to‘g‘risida xabar berdi.

«2020 yil 20 may soat 22:30 holatiga ko‘ra, O‘zbekistonda koronavirus infeksiyasi qayd etilganlar soni 2939 nafarni tashkil qilmoqda», deyiladi vazirlik xabarida.

Aniqlangan yangi kasallanish holatlarining 7tasi oldindan karantinda bo‘lgan fuqarolar bilan bog‘liq. 

Shuningdek, xorijdan kelgan va karantin markaziga joylashtirilgan 5 kishida virus aniqlangan.

Bugun kun davomida 84ta yangi zararlanish holati qayd etildi va 34 bemor tuzaldi.

Shu vaqtgacha 2372 kishi koronavirusdan butunlay sog‘aydi, ayni vaqtda shifoxonalarda 554 nafar bemor davolanmoqda, ulardan 6 nafarining ahvoli og‘ir.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top