15:08 / 21.05.2020
9294
Qirg‘izistondagi bolalar onkologiya markazi koronavirus infeksiyasi o‘chog‘iga aylanganligi aniqlandi

Sakkiz nafar bola, uch nafar ota-ona, ikki hamshira va bir shifokor kasallikka chalingan.

Foto: AP

Qirg‘izistondagi onkologiya va gematologiya milliy markazi bolalar bo‘limida koronavirusga chalinish bilan bog‘liq 14ta holat aniqlandi. Mamlakat sog‘liqni saqlash vaziri o‘rinbosari Nurbolot Usenbayevning ma'lumot berishicha, sakkiz nafar bola, uch nafar ota-ona, ikki hamshira va bir shifokor kasallikka chalingan.

Uning so‘zlariga ko‘ra, bo‘limda 120 kishi tekshiruvdan o‘tkazilgan, kasallik tarqatgan manba aniqlangan.

Markaz bosh shifokori Ernest Tilekov kasallik aniqlanmagan bolalar va shifokorlar boshqa qavatlarga ko‘chirilganini aytdi.

20 may kuni statsionarda nabirasini olib yotgan va yaqinda kasalxonani tark etgan ayol koronavirusga chalingani aniqlangandi.

Qirg‘izistonda koronavirus yuqtirganlar soni 1313 nafarga yetgan, 14 kishi vafot etgan, 929 kishi sog‘aygan.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top