22:01 / 22.05.2020
22569
Tojikistonda koronavirusga chalinganlar soni 2500dan oshdi

Qayd etilishicha, hozirda mamlakatda 3151 kishi shifokorlar kuzatuvida bo‘lib turibdi, oxirgi sutka davomida 1089 kishi bu kasallikdan sog‘aygan. 

Foto: Asia-Plus

Tojikistonda koronavirus aniqlangan bemorlar soni 2551 nafarga yetdi. Bu haqda mamlakat sog‘liqni saqlash vazirligi xabar berdi.

"Juma oqshomi holatiga ko‘ra, Tojikistonda koronavirusga chalinish bilan bog‘liq 201ta yangi holat qayd etildi, bemorlar soni 2551 nafarga yetdi, sutka davomida bu kasallikdan vafot etganlar bo‘lmadi",  - deyiladi xabarda.

Qayd etilishicha, hozirda mamlakatda 3151 kishi shifokorlar kuzatuvida bo‘lib turibdi, oxirgi sutka davomida 1089 kishi bu kasallikdan sog‘aygan. 

Tojikiston hukumati va sog‘liqni saqlash vazirligi koronavirus profilaktikasi va uni davolash bo‘yicha barcha zarur choralarni ko‘rmoqda.

21 may kuni Tojikistonda 3 kishi koronavirus sabab vafot etgandi va kasallik qurbonlari soni 44 nafarga yetdi. Bu Markaziy Osiyo davlatlari orasida eng yuqori o‘lim ko‘rsatkichi hisoblanadi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top