10:00 / 25.05.2020
48039
Qoraqalpog‘iston Respublikasi va Toshkent viloyatida bojxonachilarda virus aniqlandi

Sog‘liqni saqlash vazirligi yana 16 kishiga koronavirusdan zararlanish tashxisi qo‘yilgani to‘g‘risida xabar berdi.

«2020 yil 25 may soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 3180 nafarni tashkil etmoqda», deyiladi vazirlik xabarida.

Ma'lum qilinishicha, yangi kasallanish holatlarining 4tasi Qoraqalpog‘iston Respublikasida aniqlanib, xorijdan kelgan 3 nafar xalqaro yuk tashuvchi avtomobil haydovchisiga (ulardan 2 nafari ukrainalik) va chegara bojxona posti xodimlaridan 1 nafariga virusdan zararlanish tashxisi qo‘yilgan.

5 holat esa Samarqand viloyatida qayd etilgan. Yangi bemorlarning 4 nafari kasallikka chalinganlar bilan muloqotda bo‘lib yuqtirgan, 1 nafari aholi orasidan aniqlangan. Hozirda epidemiologik surishtiruv ishlari olib borilmoqda.

Yana 1 nafar Toshkent viloyatida chegara bojxona posti xodimida aniqlangan.

Qolgan 6 holat karantin markazidagi fuqarolar orasida qayd etilgan.

  • 24 may kuni O‘zbekistonda jami 49ta yangi zararlanish holati qayd etildi va 33 bemor tuzaldi.
  • Shu vaqtgacha 2565 kishi sog‘aygan, ayni vaqtda shifoxonalarda 602 bemor davolanmoqda. 3 nafar bemorning ahvoli og‘ir.
Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top