14:20 / 26.05.2020
3386

Tailandda favqulodda holat 30 iyungacha uzaytirildi

Hukumat dunyodagi beqaror epidemiologik vaziyat sababli Tailandda 26 mart kuni joriy etilgan favqulodda holat rejimini uzaytirish zarurligini e'tirof etgan. 

Foto: REUTERS

Tailand vazirlar mahkamasi mamlakat koronavirus tarqalishiga qarshi  kurash markazining favqulodda holat rejimini 30 iyungacha uzaytirish to‘g‘risidagi taklifini ma'qulladi. Bu haqda NBT telekanali xabar berdi.

Xabarda aytilishicha, hukumat dunyodagi beqaror epidemiologik vaziyat sababli Tailandda 26 mart kuni joriy etilgan favqulodda holat rejimini uzaytirish zarurligini e'tirof etgan. 

Shu bilan birga, vazirlar mahkamasi Tailand xavfsizlik kengashi kotibi general Somsak Rangsitxga Tailandda 1 iyundan boshlanishi kerak bo‘lgan cheklov choralarini yumshatishning uchinchi bosqichini muhokama qilishni topshirgan. Telekanalning bildirishicha, cheklov choralarini yumshatishning uchinchi bosqichi haqida ushbu hafta oxirida e'lon qilinadi.

Hozirda Tailanddagi kasalxonalarda koronavirusga chalingan 59 nafar bemor davolanmoqda. Pandemiya boshlanganidan buyon mamlakatda 3043 kishi koronavirus yuqtirgan, 57 kishi vafot etgan. 

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top