16:51 / 29.05.2020
5018
Toshkentda koronavirusdan tuzalganlar soni 1000 nafardan oshdi

Sog‘liqni saqlash vazirligi Toshkent shahridagi shifoxonalarda yana bir guruh bemorlar sog‘aygani, endilikda poytaxtda shu vaqtgacha sog‘ayganlar soni 1000 nafardan oshgani haqida ma'lumot berdi. Toshkentdagi shifoxonalarda davolanib chiqqanlar orasida Qozog‘iston va Tojikiston fuqarolari ham bor.

Bugun Toshkentdagi Virusologiya ilmiy-tekshirish instituti klinikasida 16 nafar, Epidemiologiya, mikrobiologiya va yuqumli kasalliklar ilmiy-tekshirish instituti klinikasida 6 nafar hamda Samarqand viloyati yuqumli kasalliklar shifoxonasida 7 nafar, jami 29 nafar bemor butunlay sog‘aydi va reabilitatsiyaga kuzatildi.

Virusologiya ilmiy-tekshirish instituti klinikasida tuzalganlarning 10 nafari  erkak, 6 nafari ayol bo‘lib, yoshi kattasi 63 yoshda, yoshi kichigi 2019 yil tug‘ilgan. Hududlar kesimida oladigan bo‘lsak, Toshkent viloyatidan 5 nafar, Andijon shahridan 3 nafar, Xorazm va Surxondaryo viloyatlaridan 2 nafar, Navoiy, Farg‘ona viloyatlari, Toshkent shahri va Qozog‘iston Respublikasidan 1 nafardan

Epidemiologiya, mikrobiologiya va yuqumli kasalliklar ilmiy-tekshirish instituti klinikasidan tuzalganlarning barchasi erkak bo‘lib, yoshi kattasi 49 yoshda, yoshi kichiga esa 19 yoshda. Hududlar kesimida oladigan bo‘lsak, Buxoro, Jizzax, Samarqand, Farg‘ona viloyatlari, Toshkent shahri hamda Tojikiston Respublikasidan 1 nafardan. 

Toshkent shahrida shu paytga qadar 997 nafar bemor sog‘aygan bo‘lsa, endilikda ularning soni 1019 nafarga yetdi.

Samarqandda tuzalganlarning barchasi ushbu (Toyloq tumanidan 4 nafar, Samarqand shahridan 2 nafar va Pastdarg‘om tumanidan 1 nafar) viloyatdan. Ularning 5 nafari erkak, 2 nafari ayol bo‘lib, yoshi kattasi 49 yoshda, yoshi kichiga 2020 yilda tug‘ilgan chaqaloq. Viloyatda endilikda sog‘ayganlar 265 nafarga yetdi.

Hozirga qadar mamlakat bo‘ylab koronavirus infeksiyasidan butunlay sog‘ayganlar soni 2723 nafarga yetdi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top