20:28 / 01.06.2020
14855
Koronavirus tarqalishini to‘xtatishda misni qo‘llash taklif qilindi

Sauthempton universitetining yetakchi mikrobiologi Uilyam Kivil koronavirus tarqalishini to‘xtatishda misni qo‘llashni taklif qildi. 

Mutaxassis barcha eshik dastaklari, jamoat transportidagi tutqichlar, supermarketlardagi aravachalar, sportzallardagi trenajyorlar qismlarini mis bilan qoplashga chaqirmoqda. Bu haqda The Daily Mail nashri xabar qildi.

Ta'kidlanishicha, mis zararsizlantiruvchi xususiyatlarga ega. Taqqoslash uchun shuni keltirish mumkinki, koronavirus plastik va po‘latda 3 kungacha yashaydi, misda esa 4 soat ichida o‘ladi.

Ma'lumki, agar koronavirusga chalingan kishi biror buyumga tegsa, ushbu buyumda virus qolishi mumkin. Virus buyumga tekkan keyingi kishiga o‘tishi, u esa qo‘li bilan yuziga tegsa, koronavirusga chalinishi mumkin, chunki virus ko‘z, burun va og‘iz orqali organizmga oson tushadi. Virus misga tushganda ushbu metall ionlari virusning himoya qatlami - lipid membranasiga (yog‘li tashqi qatlami) hujum qiladi. So‘ngra ionlar virus ichiga kirib, uning DNKsini yo‘q qiladi.

Mavzu
Koronavirus
2019 yilning dekabr oyi oxirida Xitoyning Uxan shahrida noma'lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top