Belarus prezidenti Aleksandr Lukashenko Gosvoyenprom rahbari Roman Golovchenkoni yangi bosh vazir etib tayinladi. Bir kun avval Lukashenko hukumat iste'fosini e'lon qilgandi.
Belarus prezidenti yangi hukumat tarkibiga kirmaydigan barcha siyosatchilar “ishsiz qolmasligini” aytgan.
“Yana bir bor ta'kidlamoqchiman: bugun yangi hukumatga kirmaganlar, ishsiz qolmaydi, ular dushman emas”, deb aytgan Lukashenko.
Belarus rahbari prezident saylovlarigacha yangi hukumatni shakllantirmoqchiligini 25 may kuni ma'lum qilgan. U keyinroq prezident saylovlari arafasida va u o‘tkaziladigan kunda mamlakatda “maydanlar” bo‘lishiga yo‘l qo‘ymasligini ta'kidlab o‘tgan.
Belarusda navbatdagi prezident saylovlari 9 avgustda o‘tishi belgilangan.